नवी दिल्लीः चीनची आघाडीची स्मार्टफोन कंपनी ओप्पो आज गुरुवारी भारतातील बाजारपेठेत बहुप्रतीक्षित ओप्पो रेनॉ ३ सिरीज लाँच करीत आहे. 'ओप्पो रेनॉ 3' सोबत कंपनी ओप्पो रेनॉ 3 प्रो ही लाँच करणार आहे. ओप्पो रेनॉ ३ आणि प्रो व्हेरियंट हे ड्युल बँड 5G कनेक्टीव्हिटीसोबत येणार आहेत. या सिरीजमध्ये क्वॉड कॅम सेटअप दिला जाण्याची शक्यता आहे.

ओप्पो रेनॉ ३ मध्ये क्वालकॉम स्नैपड्रैगन 765G प्रोसेसरसोबत लाँच केला जाणार आहे. दोन्ही स्मार्टफोनमध्ये ColorOS 7 स्किन आउट-ऑफ-द-बॉक्स दिला जाणार आहे. लाँचच्या आधीच चीनमध्ये हे स्मार्टफोन घेण्यासाठी रजिस्ट्रेशन सुरू झाले आहे.

फोनच्या मागे ४ कॅमेरे

ओप्पो रेनॉ ३ Pro स्मार्टफोनमध्ये स्नँपड्रॅगन 765G प्रोसेसर सोबत 12 जीबीपर्यंत रॅम यूजर्सला मिळेल. यात मागच्या बाजूला 48 मेगापिक्सलचा मेन सेंसर कॅमेरा असेल. तर बाकीचे तीन कॅमेरे 13 मेगापिक्सल, 8 मेगापिक्सल आणि 2 मेगापिक्सलचे असतील.

वायरलेस इअर बड्स होणार लाँच

ओप्पो रेनॉ ३ सीरीजसोबत कंपनी Oppo Enco Free True वायरलेस इअरबड्सही लाँच करणार आहे. हे वायरलेस इअरबड्स काळ्या, गुलाबी आणि पांढऱ्या रंगाचे असतील. यांचे डिजाइन Huawei FreeBuds 2 सारखे दिसते. पण याचे अधिक फिचर्स समोर आलेले नाहीत.