औरंगाबाद: तबलिगी जमातविषयी वादग्रस्त पोस्ट केल्या प्रकरणी भारताची महिला कुस्तीपटू बबीता फोगटविरोधात औरंगाबादमध्ये तक्रार दाखल करण्यात आली आहे. बबीताच्या पोस्टमुळे समाजात तेढ निर्माण होऊ शकते, त्यामुळे बबीताविरोधात औरंगाबाद शहर चौकातील पोलिस स्थानात तक्रार दाखल करण्यात आली आहे.

बबीताविरोधात तबलिगी जमातशी संबंधित एका व्यक्तीने औरंगाबाद येथे तक्रार दाखल केली आहे. बबीताच्या पोस्टमुळे समाजात तेढ निर्माण होत आहे आणि ते भारतासाठी योग्य नाही, असे या तक्रारीमध्ये म्हटले गेले आहे. त्यामुळे बबीता अडचणीत येण्याची शक्यता आहे. आता या गोष्टीला बबीता कशी सामोरी जाते आणि या तक्रारीविरोधात बबीता काय भूमिका घेते, याची उत्सुकता आता लागली आहे.

बबीताने काय पोस्ट केली होती

अर्जुन पुरस्कार विजेत्या बबीताने, करोना व्हायरस भारताची दुसरी मोठी समस्या आहे. तर 'तबलिगी जमात' ही अद्याप नंबर एकवर आहे. तिच्या या ट्विटवरून अनेकांनी विरोध करण्यास सुरुवात केली.