सॅमसंग: 'या' दोन फोनच्या किंमतीत भरघोस कपात
schedule09 Nov 19 person by visibility 510 categoryतंत्रज्ञान
मुंबई : स्मार्टफोन बाजारातील वाढत्या स्पर्धेत सॅमसंगने दोन स्मार्टफोनची किंमत कमी केली आहे. ट्रिपल रिअर कॅमेरा सेटअप असलेल्या Galaxy A३०s आणि Galaxy A५०s हे दोन फोन स्वस्त झाले आहेत. यावर्षी सप्टेंबरमध्ये हे दोन्ही फोन लाँच करण्यात आले होते. सॅमसंग गॅलक्सीचे ए सीरिजचे मध्यम किंमतीचे फोन ग्राहकांमध्ये प्रसिद्ध आहेत. मुंबईतील एका प्रसिद्ध रिटेलरच्या ट्वीटनुसार, स्मार्टफोनची किंमत ३००० रुपयांपर्यंत कमी झाली आहे.
सॅमसंग गॅलक्सी A३०s च्या ४ जीबी रॅम आणि ६४ जीबी स्टोरेज व्हेरिएंटची लाँचिंग किंमत १६ हजार ९९९ रुपये होती. आता हा फोन १५ हजार ९९९ रुपयात खरेदी करता येईल. तर सॅमसंग गॅलक्सी A५०s च्या ४ जीबी रॅम आणि १२८ जीबी स्टोरेज व्हेरिएंटची किंमत २२ हजार ९९९ रुपये, तर ६ जीबी रॅम, १२८ जीबी स्टोरेज व्हेरिएंटची लाँचिंग किंमत २४ हजार ९९९ रुपये होती. आता ४ जीबी व्हेरिएंटची किंमत १९ हजार ९९९ रुपये, तर ६ जीबी व्हेरिएंटची किंमत २१ हजार ९९९ रुपये आहे.