नवी दिल्लीः सोने दराचा नवा विक्रम नोंदला गेला आहे. कोरोनाव्हायरसच्या फटक्यामुळे अनेक देशांची अर्थव्यवस्था कोलमडली आहे त्यामुळे ती सावरण्यासाठी अनेक देश आर्थिक पॅकेज जाहीर करण्याची शक्यता आहे.त्यामुळेच सोने-चांदी दरात विक्रम वाढ होऊ लागली आहे.काल मंगळवारी जागतिक बाजारात सोने दर 2000 डॉलर प्रति औस झाला तर भारतीय बाजारपेठेत आज आज बुधवारी सोने-चांदी विक्रमी दरावर पोहोचली .प्रति दहा ग्रॅम सोन्याचा दर 54 हजार 798 रुपये झाला असून चांदी प्रति किलो 69 हजार 891 रुपये झाली आहे.सोने दरात 10 ग्रॅमला 900 रुपये व चांदी प्रति किलो 4200 रुपये एवढी विक्रमी वाढ काल झाली. दोन्ही धातूतील तेजीचा कल आजही ही कायम आहे आणि आगामी काळातही कायम राहील ,अशी शक्यता सराफ बाजारातून व्यक्त करण्यात येते.